ⵉⴳⴰ ⵄⴰⴱⴷⵍⵍⴰⵀ ⵣⴰⴳⵓⵔ ⵓⵄⴱⵍⵍ (ⵉⵜⵜⵓⵙⵙⴰⵏ ⵖ ⵜⵎⴰⵣⵉⵔⵜ ⵏⵏⵙ ⵙ ⴰⵎⵖⴰⵔ ⴳⴳⵓ ⵄⴱⵍⵍⴰ) ⵢⴰⵏ ⵓⵎⵖⵏⴰⵙ ⴷ ⵓⵏⵣⴱⴰⵢ ⴰⵙⵓⵙⵉⵢ ⴰⵎⴰⵣⵉⵖ ⵎⴳⴰⵍ ⵓⵙⴷⵓⵔⵔⵉ ⴰⴼⵔⴰⵏⵙⵉⵙ ⵖ ⵍⵎⵖⵔⵉⴱ. ⵉⵍⵓⵍ ⵖ ⵓⵙⴳⴳⴰⵙ ⵏ 1885, ⵉⵎⵎⵓⵜ ⵖ ⵓⵙⴳⴳⵡⴰⵙ ⵏ 1972.
ⵉⵎⵏⵖⵉ ⵏ ⴰⵢⵜ ⵄⴱⵍⵍⴰ ⵏⵏⴰ ⵖ ⵜⵜ ⵉⵏⵏ ⵉⴽⴽⴰ ⵉⴳⴰ ⴰⵎⵖⴰⵔ, ⵉⴽⴽⴰ ⵜⵜ ⵉⵏⵏ ⵉⴳⴰ ⵢⴰⵏ ⵣⵖ ⵉⵎⵏⵖⵉⵜⵏ ⴰⴽⴽⵯ ⵙⵜⴰⵡⵀⵎⵎⴰⵏⵉⵏ ⵖ ⵓⵣⵎⵣ ⵏ ⵜⵏⵣⴱⴰⵢⵜ ⵜⴰⵎⵖⵔⵉⴱⵉⵜ. ⵉⴳ ⴱⴰⴱ ⵏ ⵜⵡⵉⵏⵙⵜ "ⵉⵜⵎⵎⴰ ⵍⵇⵕⵟⴰⵚ, ⵉⵜⵎⵎⴰ ⵡⴰⵡⴰⵍ" ⵍⵍⵉ ⴱⴰⵀⵔⴰ ⵉⵜⵜⵓⵙⵙⴰⵏ ⴷⴰⵔ ⵉⵙⵓⵙⵉⵢⵏ.
ⵉⵍⵓⵍ ⵄⴰⴱⴷⵍⵍⴰⵀ ⵥⴰⴳⵓⵔ ⵖ ⵓⵙⴳⴳⵯⴰⵙ ⵏ 1885 ⵖ ⵢⴰⵏ ⵓⴷⵡⵡⴰⵕ ⵉⵙⵎ ⵏⵏⵙ ⵥⵖⴰⵏⵖⵉⵏ ⵖ ⵜⵇⴱⵉⵍⵜ ⵏ ⴰⵢⵜ ⵄⴱⵍⵍⴰ ⵖ ⵉⴷⵔⴰⵔⵏ ⵏ ⵡⴰⵟⵍⴰⵙ ⵎⵥⵥⵉⵢⵏ, ⵉⵡⴰⵍⴰ ⴰⴷⵡⵡⴰⵕ ⵏⵏⵙ ⵉ ⵜⵎⴷⵉⵏⵜ ⵏ ⵉⵖⵔⵎ, ⵜⵙⴳⴰ ⵏ ⵟⵔⵓⴷⴰⵏⵜ. ⵜⵜⵓⵙⵙⴰⵏⵏ ⵉⴷⵖⴰⵔⵏ ⴰⵏⵏ ⵙ ⵍⴼⵓⵇⵀⴰ ⴷ ⵉⴷ ⴱⵓ ⵜⵓⵙⵙⵏⴰ ⵏⵏⴰ ⴼ ⵉⵙⴰⵡⵍ ⵓⵎⴰⵔⴰ ⵎⵇⵇⵓⵔⵏ ⵍⵎⵓⵅⵜⴰⵔ ⵙⵙⵓⵙⵉ ⵖ ⵓⴷⵍⵉⵙ ⵏⵏⵙ ⵍⵎⵄⵙⵓⵍ. ⵜⵣⵣⵔⵉ ⵜⵇⴱⵉⵍⵜ ⵏⵏⵙ ⵢⴰⵏ ⵓⵣⵎⵣ ⵉⴽⵜⴰⵔⵏ ⵙ ⵜⵎⵓⵏⴰⴳ ⴷ ⵜⴱⵃⵍⵉⵢⵉⵏ, ⴱⵉⴷⴷⵏ ⵎⴳⴰⵍ ⵏ ⵓⵙⴷⵓⵔⵔⵓ ⴰⴼⵕⴰⵏⵙⵉⵙ. ⵄⴰⴱⴷⵍⵍⴰⵀ ⵣⴰⴳⵓⵔ ⴰⴷ ⵉⴳⴰⵏ ⴰⵎⵖⴰⵔ ⵏⵏⵙⵏ ⵖ ⴰⴽⵓⴷ ⴰⵏⵏ, ⴰⵔ ⵉⵙⴼⵜⵜⵓ ⵜⴰⵏⵣⴱⴰⵢⵜ ⵖ ⵢⵉⴷⵔⴰⵔⵏ ⵏ ⵙⵓⵙ, ⵣⵓⵏ ⴷ ⵉⵏⵣⴱⴰⵢⵏ ⵢⴰⴹⵏⵉⵏ ⵙ ⵓⵎⴷⵢⴰ ⵛⵛⵉⵅ ⵎⴰⵍⵄⴰⵢⵏⴰⵢⵏ, ⴰⵃⵎⴰⴷ ⵍⵀⵉⴱⴰ, ⵥⴰⵢⴷ ⵓ ⵃⵎⵎⴰ, ⵄⵙⵙⵓ ⵓ ⴱⴰⵙⵍⴰⵎ, ⵎⵓⵃⴰ ⵃⵎⵎⵓ ⴰⵥⴰⵢⵢⵉ ⴷ ⵡⵉⵢⵢⴰⴹ. ⵉⵎⵎⴰⵖ ⵓⵙⴷⵓⵔⵔⵉ ⵎⴳⴰⵍ ⵥⴰⴳⵓⵔ ⵙ ⴰⵢⵏⵏⴰ ⵎⵓ ⵢⵓⴼⴰ ⵏ ⵓⴷⵡⴰⵙ ⴷ ⵜⵙⵔⴷⴰⵙⵜ, ⵎⴰⵛ ⵓⵔ ⵜ ⵉⵙⵙⵍⴽⵉⵎ ⵓⵏⵛⴽ ⴰⵏⵏ ⵙ ⵓⵡⵜⵜⴰⵙ ⵏⵏⵙ. ⵉⵎⵎⴰⵜⵜⵉ ⵉⵍⵎⵎⴰ ⵙ ⵓⵙⵙⵎⵔⵙ ⵏ ⵜⵎⴷⴰⵢⵉⵏ ⴷ ⵓⵙⵏⵏⵓⵍⴼⵓ ⵏ ⵜⴽⵔⴽⴰⵙ, ⴷ ⵓⵣⵓⵣⵣⵔ ⵏ ⵍⴽⵯⵔⵀ ⴳⵔ ⵎⴷⴷⵏ, ⵙ ⵢⵉⵎⵖⴹⴰⵕⵏ ⴷ ⵓⵙⵙⵎⵔⵙ ⵏ ⵜⵅⵏⴷⴰⵍⵍⴰⵙⵜ, ⵍⵍⵉⵖ ⵜⵏⵏⴰ ⴼⵕⴰⵏⵙⴰ ⵉ ⵎⴷⴷⵏ ⵎⴰⵙ ⵓⵔ ⵜⵔⵉ ⴰⴱⵍⴰ ⴰⴷ ⴰⵙⵏ ⵏ ⵜⵕⵥⵎ ⵉⵖⴰⵔⴰⵙⵏ, ⴰⴷ ⵜⵏ ⵜⴰⵡⵙ ⴷ ⴰⴷ ⵜⵣⵓⵣⵣⵔ ⵜⴰⵢⵔⵉ ⴷ ⵍⴰⵎⴰⵏ ⴳⵔⴰⵜⵙⵏ, ⵎⴰⵛⵛ ⴰⵎⴹⴰⵔ, ⵢⵓⴳⵉ ⵖⴰⵢⵍⵍⵉ ⵙ ⵜⵔⴰ ⴰⴷ ⵜⵏ ⵜⵙⴹⵎⵎⵄ ⵉⵔⴰⵔ ⴼⵍⵍⴰⵙⵏ ⵙ ⵜⵎⴰⵣⵉⵖⵜ ⴰⵔ ⵉⵜⵜⴷⵙⵙⴰ “ⴰⵖⴰⵔⴰⵙ ⴰⵖⴰⵔⴰⵙ ⴰⴷ ⵉⴽⴽⴰⵏ ⴰⴽⴰⵍ”, ⵜⴼⵔⴽ ⵖ ⴰⴽⵓⴷ ⴰⵏⵏ ⴼⵕⴰⵏⵙⴰ, ⵎⴰⵙ ⵓⵔ ⴷⴰⵔⵙ ⵉⵍⵍⵉ ⴰⵡⴷ ⴽⵔⴰ ⵓⴼⵙⵙⴰⵢ ⵢⴰⴹⵏⵉ ⵎⴳⴰⵍ ⴰⵏⵎⵖⵓⵔ ⴰⵎⵥⵥⵉⴹⵕ ⴰⴱⵍⴰ ⵙ ⵓⵇⵕⵢⴰⵏ ⴰⵙⴰⵢⵍⴰⵍ.
ⵜⵥⵍⵉ ⴼⵕⴰⵏⵙⴰ 18 ⵏ ⵜⴰⵢⵍⴰⵍⵜ ⴱⴰⵛ ⴰⴷ ⵅⵍⵓⵏ ⴰⴹⵡⵡⴰⵔ ⵖ ⵜⵍⵍⴰ ⵜⴳⵎⵎⵉ ⵏⵏⵙ, ⵜⴱⴹⵓ ⵜⵏⵜ ⵚⴹⵉⵚ ⵏ ⵉⴷⵉⵍⴰⵏ. ⵅⵍⴰⵏⵜ ⵎⵏⵏⴰⵡ ⵉⴹⵡⵡⴰⵕⵏ, ⵙⵓⵍⵏ ⵉⵙⴰⴳⵓⵔⵏ ⵏⵏⵙⵏ ⵜⴳⴳⴰⵏ ⴼ ⵜⴽⵔⴹⵉ ⵏ ⵜⴰⵢⵜⵉⵡⵉⵏ ⵏⵏⵙⵏⵜ. ⵙ ⵜⵎⵏⵜⵉⵍⵜ ⵏ ⵜⴰⵢⵜⵉ ⴰⴷ, ⴰⵔ ⴼⴼⴰⵍⵏ ⵎⵉⴷⴷⵏ ⵜⵉⴳⵯⵎⵎⴰ ⵏⵏⵙⵏ ⴳ ⵡⴰⵣⴰⵍ ⵓⵔⵔⵉⵏ ⴷ ⵙⵔⵙⵏⵜ ⵖ ⵢⵉⴹ ⴷⴰⵜ ⴰⴷ ⴷⴰⵖ ⵓⵔⵔⵉⵏ ⵙ ⵉⴷⵖⴰⵔⵏ ⵏⵏⵙⵏ ⵏ ⵉⵎⵏⵖⵉ ⴳ ⵜⵢⵍⴳⵉ, ⴰⵔ ⵙⴽⴰⵔⵏ ⵎⴷⴷⵏ ⵎⴽ ⴰⴷ ⴰⵢⵍⵍⵉⵖ ⵜⵓⵎⵥ ⴼⵕⴰⵏⵙⴰ ⵜⴰⵎⵏⴰⴹⵜ ⵙ ⵜⴷⵓⵙⵉ ⵏ ⵜⴰⵢⵍⴰⵍⵉⵏ.
ⵜⵥⵍⵉ ⴼⵕⴰⵏⵙⴰ 18 ⵏ ⵜⵢⵍⴰⵍⵉⵏ ⴰⴼⴰⴷ ⴰⴷ ⵜⵅⵍⵓ ⴰⴹⵡⵡⴰⵔ ⵍⵍⵉ ⵖ ⵜⵍⵍⴰ ⵜⴳⵎⵎⵉ ⵏⵏⵙ, ⴼⴰⴷ ⵉⵍⵎⵎⴰ ⵜⴱⴹⴰ ⵙⴹⵉⵙ ⵏ ⵢⵉⴷⴼⵔⵉⵔⵏ ⵏ ⵜⵢⵍⴰⵍⵉⵏ, ⵅⵍⴰⵏⵜ ⵉⵍⵎⵎⴰⴷⵉⵏ ⵉⴹⵓⵔⴰⵏ ⴳⴳⵓⵜⵏⵉⵏ, ⴳⵏ ⵓⴽⴰⵏ ⵙⵓⵍ ⵉⵙⴰⴳⵓⵔⵏ ⵏⵏⵙⵏ ⵜⵓⴳⴳⴰ ⴼ ⵛⵛⵇⴰⵡⵜ ⵏ ⵓⵙⴱⵓⵎⴱⴰⵔⴹⵉ ⵏ ⵢⵉⵛⵏⴳⴰ ⵍⵍⵉ ⴷ ⵉⵜⵜⴽⴽⴰⵏ ⵉⴳⵏⵡⴰⵏ, ⴰⵢⵍⵍⵉⵖ ⴰⵔ ⴰⴽⴽ ⴼⴼⴰⵍⵏ ⵎⵉⴷⴷⵏ ⵜⵉⴳⵎⵎⴰ ⵏⵏⵙⵏ ⴰⵔ ⴽⵍⵍⴰⵏ ⵖ ⴱⵔⵔⴰ, ⵓⵔ ⴰⵔ ⵜⵜⵉⵡⵔⵔⴰⵢⵏ ⴰⵔ ⵢⵉⴹ ⴼ ⵡⵓⴷⵎ ⵏ ⵡⵓⵜⵛⵉ ⴷ ⵜⵉⵔⵎⵜ
ⵜⵀⵉⵢⵢⴰ ⵜⴰⵎⵎⴰⵖⵜ ⵜⴰⵙⵔⴷⴰⵙⵜ ⵖ ⵉⵥⵥⵍⵎⴹ ⵖ 1926, ⵜⵀⵉⵢⵢⵓ ⵖ ⵉⴼⴼⵓⵙ ⵖ 1934. ⴹⴰⵔⵜ ⵏ ⵓⴽⵛⴰⵎ ⵏ ⴼⵕⴰⵏⵙⴰ ⵙ ⵜⵎⵏⴰⴹⵜ, ⵉⵙⵙⵏⵜⴰ ⵓⵙⴷⵓⵔⵔⵉ ⴰⴼⵕⴰⵏⵙⵉⵙ ⴰⵔ ⵉⵜⵜⴰⵎⵥ ⵉⵏⵣⴱⴰⵢⵏ ⴰⵔ ⵜⵏ ⵉⵏⵏ ⵉⵜⵜⵇⵇⵏ ⵖ ⵉⵖⵣⵓⵜⵏ, ⵜⵜⵢⴰⵎⴰⵥⵏ ⵙ ⵙⵙⵍⴰⵙⵍ, ⴱⵍⴰ ⴰⵙⵏ ⵉⵜⵜⵢⵓⴼⴽⴰ ⵓⵜⵛⵉ ⵓⵍⴰ ⴰⵎⴰⵏ.
ⵜⵙⵎⴷ ⵜⴰⵎⵎⴰⵖⵜ ⵜⴰⵎⵙⵔⴷⴰⵙⵜ ⵖ ⵓⵙⴳⴳⴰⵙ ⵏ 1926 ⵖ ⴰⵎⵎⴰⵙ ⵏ ⵉⵥⵥⵍⵎⴹ, ⵖⵎⴽ ⵍⵍⵉ ⵜⴽⵎⵎⵍ ⵜⵉⵏ ⵢⵉⴼⴼⵓⵙ ⴰⵙⴳⴳⵯⴰⵙ ⵏ 1934, ⴷ ⵍⵍⵉⵖ ⵉⵎⴽⴽⵏ ⵓⵙⴷⵓⵔⵔⵉ ⵉⴼⴰⵙⵙⵏ ⵏⵏⵙ ⵖ ⵜⵎⵏⴰⴹⵜ ⵏ ⴰⵢⵜ ⵄⴱⴷⵍⵍⴰ ⵉⴱⴷⴰ ⴰⵔ ⵉⵜⵜⴰⵎⵥ ⵉⵎⵊⵀⴰⴷⵉⵢⵏ ⴰⵔ ⵜⵏ ⵉⵏⵏ ⵉⵜⵜⵇⵇⵏ ⵖ ⵢⵉⴱⵏⵉⵇⵏ, ⵖⵉⵏ ⵜⵏ ⵙ ⵢⵉⵙⴽⵔⴰⴼ ⵏ ⵓⵣⵣⴰⵍ ⵖ ⵢⵉⴼⴰⵙⵙⵏ ⵏⵏⵙⵏ, ⴼⵍⵏ ⵜⵏ ⵉⵏⵏ ⵉ ⵍⴰⵥ ⴷ ⵉⵔⵉⴼⵉ.